सोमवार, १३ ऑक्टोबर, २०२५

गुरुवार, ९ ऑक्टोबर, २०२५

२४००वर्षा पूर्वी (टपाल )निरोप पाठवणे हि कल्पना इजिप्त मध्ये होती .आज अंतरराष्ट्रीय टपाल दिवस ..

ग्रीस मध्ये इ . स पूर्व ५५० मध्येही टपाल सेवेचा उल्लेख आहे .

भारता मध्ये इ . स पूर्व ३२२ मध्ये मौर्य काळात टपाल व्यवस्था होती .

#रुक्मिणीने_कृष्णाला #पत्र पाठविल्याचा महाभारतात उल्लेख आहे (#भारतातील_पहिले_प्रेमपत्र )

भारतात ईस्ट इंडिया कंपनीने १८३७ मध्ये पोस्ट विभाग चालू केला पण तो फक्त कार्यालयीन कामासाठी होता

भारतात पोस्टखाते १८५८ मध्ये अस्तित्वात आले.

आज जागतिक टपाल दिन "

रविवार, १४ सप्टेंबर, २०२५

आजच्या जीवनशैलीत शारीरिक तंदुरुस्तीचे महत्त्व

आजचे जग वेगवान, तंत्रज्ञानाकडे झुकलेले आणि स्क्रीन-आधारित झाले आहे. कामाचे वाढते तास, मोबाईल व संगणकावर जास्त वावर आणि शारीरिक हालचालींचा अभाव यामुळे प्रत्येकाच्या आरोग्यावर नकारात्मक परिणाम दिसून येतो. म्हणून शारीरिक तंदुरुस्ती ही एखादा छंद किंवा फुरसतीतील गोष्ट नसून प्रत्येकासाठी जीवनाचा पाया ठरते.

तंदुरुस्ती म्हणजे काय?

शारीरिक तंदुरुस्ती म्हणजे –

दैनंदिन कामे ऊर्जेने पार पाडण्याची क्षमता
शरीरातील योग्य ताकद, लवचिकता व सहनशक्ती
तणावाला सामोरे जाण्याची शक्ती
दीर्घकाळ निरोगी आणि आनंदी राहण्याची गुरुकिल्ली

शारीरिक तंदुरुस्तीचे महत्त्व

१) बैठ्या सवयींशी लढा

आधुनिक जीवनात वेळेचा मोठा भाग बसून जातो.
व्यायामामुळे शरीर सक्रिय, रक्ताभिसरण सुरळीत आणि उर्जा संतुलित राहते.

२) जीवनशैलीतील आजारांपासून बचाव

मधुमेह, उच्च रक्तदाब, लठ्ठपणा व हृदयविकार हे कमी हालचालींमुळे निर्माण होतात.
व्यायाम हा निसर्गाने दिलेला मोफत औषधोपचार आहे.

३) मानसिक आरोग्य व आनंद

व्यायामाने एंडोर्फिन ("हॅप्पी हार्मोन्स") स्रवतात.
चिंता, नैराश्य यावर नियंत्रण मिळते आणि आत्मविश्वास वाढतो.

४) उत्पादकता व कार्यक्षमता

लक्ष केंद्रीकरण, स्मरणशक्ती व निर्णयक्षमता मजबूत होते.
विद्यार्थी, कर्मचारी आणि व्यावसायिक सर्वांनाच कामात गती व परिणामकारकता जाणवते.

५) गाढ झोपेचे वरदान

व्यवस्थित व्यायामामुळे शरीर रिलॅक्स होते.
जैविक घड्याळ सुरळीत चालते आणि गुणकारी झोप मिळते.

वेगवेगळ्या क्षेत्रातील प्रेरणादायी उदाहरणे

आयटी क्षेत्रातील कामगार → प्रत्येक २ तासांनी डेस्कपासून उठून ५ मिनिटांचा वॉक.
विद्यार्थी → सकाळी ३० मिनिटे धावणे किंवा खेळल्याने अभ्यासात लक्ष केंद्रित.
गृहिणी → घरातील कामांसोबत योगा व पायऱ्या चढणे यांनी तंदुरुस्ती.
ज्येष्ठ नागरिक → हलके फिरणे, प्राणायाम यामुळे आरोग्य टिकून राहते.

तंदुरुस्त राहण्यासाठी सोपे उपाय

दररोज किमान ३० मिनिटे चालणे, धावणे, योगा किंवा पोहणे.
लिफ्टऐवजी पायऱ्या निवडणे.
आठवड्यातून एकदा सायकलिंग, खेळ किंवा ट्रेकिंग.
संतुलित आहार – प्रथिने व जीवनसत्त्व पुरेशा प्रमाणात.
मोबाईल/टीव्हीचा स्क्रीन टाइम कमी करणे.

तंदुरुस्तीचे एकत्रित फायदे

निरोगी शरीर आणि निरोगी मन
आयुष्यभर रोगप्रतिकारक क्षमता
आत्मविश्वास व आनंदी दृष्टीकोन
सामाजिक व व्यावसायिक जीवनात ऊर्जा आणि सशक्तता
दर्जेदार आणि परिपूर्ण जीवन"तंदुरुस्त शरीर म्हणजे अमूल्य संपत्ती.

ते फक्त चांगले दिसण्यासाठी नाही तर चांगले जगण्यासाठी आवश्यक आहे.
आजच्या धावपळीत स्वतःवर गुंतवणूक करणे म्हणजे व्यायाम, योग्य आहार आणि संतुलित जीवनशैली अंगीकारणे.
तंदुरुस्ती हीच खरी श्रीमंती आहे

मंगळवार, ९ सप्टेंबर, २०२५

भोंडल्याची गाणी संग्रह

*भोंडल्याची गाणी लिहून घ्या*

*पोस्ट खास त्याच्यासाठीच पाठवत आहे*

"भोंडला"

'सूर नवा ध्यास नवा' मध्ये अवधूत गुप्तेने लोकांना एक प्रश्न विचारला. गुजरात्यांचा गरबा तर आपल्याकडे काय असतं? कोणत्याही स्पर्धकाला उत्तर देता आलं नाही. मग प्रेक्षकांना विचारल्यावर दोन तीन जण भोंडला म्हणले. मग भोंडल्याचं एखादं गाणं कोणतं? हा दुसरा प्रश्न विचारल्यावर शुकशुकाट पसरला. मग एका काकूंनी 'एक लिंबू झेलू बाई' हे गाणं म्हणलं पण तेही अर्धवट. हे गाणं एकट्या अवधूत गुप्तेनी सलग गायलं. नंतर परीक्षणात तो म्हणाला की इतरांचे सण साजरे करताना आपण आपलं विसरत चाललो आहोत. हा आपला ठेवा आहे आणि हे आपल्याला जपलंच पाहिजे. हे भान आपली 'बनाना' आणि 'अॅपल' पिढीला घडवण्याऱ्या आपल्या लोकांना कळेल तो सुदीन.

"भोंडल्याची १६ गाणी"

भोंडला , भुलाई , हादगा अशा वेगवेगळ्या नावांनी ओळखला जाणारा नवरात्रोत्सव आणि त्यातील लोकगीते काळाच्या ओघात लुप्त होत चालली आहेत , घरातल्या मोठ्या व्यक्ती , आजी यांना ती सारी लोकगीते अगदी तोंडपाठ होती , परंतु त्याची कुठेही नोंद न घेतल्याने संस्कृती , गाणी सारे काही विरून जाते आहे .

चला तर मग अशा दुर्मिळ लोकगीतांचे संकलन आपल्याकडे असणे गरजेचे नाही का ?

तीच परंपरा तीच गाणी आता आपल्या स्मार्ट वहीमध्ये ...अर्थात आपल्या

स्मार्टफोन मध्ये ...

आपली मैत्रीण गावाकडची असो कि शहरातील , सर्वानीच जपावा हा अनमोल ठेवा ...

लोकसंस्कृती आपण जपली तरच पुढच्या पिढीत त्याचे संक्रमण होऊ शकते , त्यामुळे आपल्या आई , बहीण , जावा , मैत्रिणी सगळ्यांना सुपूर्त करूयात हा "नवरात्रीचा अमूल्य ठेवा" ...

१ ) ऐलमा पैलमा गणेश देवा, माझा खेळ मांडून दे, करीन तुझी सेवा

माझा खेळ मांडिला वेशीच्या दारी, पारवं घुमतय पारावरी

गोदावरी काठच्या उमाजी नायका, आमच्या गावच्या भुलोजी बायका

एविनी गा तेविनी गा

आमच्या आया तुमच्या आया, खातील काय दुधोंडे

दुधोंडयाची लागली टाळी , आयुष्य दे रे भामाळी

माळी गेला शेता भाता, पाऊस पडला येता जाता

पड पड पावसा थेंबोथेंबी, थेंबोथेंबी आडव्या लोंबी,

आडव्या लोंबती अंगणा

अंगणा तुझी सात वर्षे, भोंडल्या तुझी सोळा वर्षे

अतुल्या मतुल्या चरणी चातुल्या,

चरणी चारचोडे, हातपाय खणखणीत गोडे

एकेक गोडा विसाविसाचा, साड्या डांगर नेसायच्या

नेसा गं नेसा बाहुल्यांनो, अडीच वर्षे पावल्यांनो

**********

२ ) श्रीकांता कमलाकांता असं कसं झालं.

असं कसं वेडं माझ्या नशिबी आलं

वेडयाच्या बायकोने केले होते लाडू